HÆTT

fyrst það skoðar engin þetta bull í mér þá nenni ég þessu ekki og er því hætt en Ólafur Vignir er enn með síður á barnalandi

smá fyrir ykkur að svara.

Bara að setja þetta hér inn, minni á færslu hér að neðan.

1.Miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veik?
17. Getum við hist og bakað köku?
18. Hefuru heyrt kjaftasögu um mig nýlega?
19. Talaru eða hefuru talað illa um mig?
20. Finnst þér ég góð manneskja?
21. Myndir þú kerya með mér hringinn í kringum landið?
22. Finnst þér ég aðlaðandi?
23. Hverju myndiru vilja breyta í mínu fari?
24. Í hverju sefuru?
25. Kæmiru í heimsókn af tilefnislausu, bara til að chilla?
26. Myndir þú koma á stefnumót ef ég myndi bjóða þér?
27. Ef ég ætti einn dag ólifaðann, hvað myndum við gera?
28. Ætlaru að setja þetta á þína síðu svo ég geti fyllt þetta út?

KVITTA

Í gær fór Ólafur Vignir í 5 mánaða skoðun....JÁ 5 MÁNAÐA!!! Það eru komnir 5 mánuðir og 6 dagar síðan ég var uppá spítala að rembast við þetta allt....úff. En ég ætlaði nú ekki að fara að tala um það. Hann fór í sprautu og var svo duglegur, það kom smá væl þegar hann var stunginn en það var búið strax og minn farin að brosa. Hann hafði aðeins lést í þessum veikindum sínum en það var allt í lagi því hann er enn langt yfir þessari kúrfu. En já hann er bara búin að vera með eyrnabólgu og það er svo sárt fyrir hann En hann er allveg að verða góður. Við förum suður í borgarnes á morgun bara ég og Ólafur Vignir...Jón Ingi þarf að skuttla okkur þar sem hann er ekki enn búin að skella nagladekkjunum undir minn bíl Jón Ingi ætlar að fara að jeppast eitthvað um helgina svo við Ólafur Vignir erum bara að fara í jólagjafaleiðangur með mömmu og pabba. Ég hef nú ekki mikið verið að gera í þessari viku annað en að taka til og leika við Ólaf Vigni og svo auðvitað að skipta um bleiur og svoleiðis En í kvöld er ég búin að vera föst í tölvunni þar sem ég fann super mario bros á netinu....hef ekki spilað hann í mörg ár en er enn bara nokkuð góð Birkir átti leikjatölvu og þennan leik og maður var alltaf að spila. En ég hef ekki mikið að segja svo ég læt þetta gott, enda á fullu að spila mario bros En það er komin ný könnun.



svo ein svona falleg mynd af fallegum prins

Það drepur engan að kvitta!!!

En allavega ég hef ekki verið dugleg að skrifa hér inn en það er bara vegna þess að það lítur bara út fyrir að engin lesi þetta hvort eð er svo ég er pæla að hætt þessu bara og láta barnalandssíðuna hjá ólafi vigni nægja.
Allaveg þá er ég veik heima núna og ólafur vignir er líka veikur og er þetta þriðji dagurinn sem hann er veikur. En hann er komin með eyrnabólgu Við þurftum að láta Ylfu frá okkur því hún reyndist ekki vera barngóð og hún vildi bíta ólaf vigni og pissa á dótið hans og svo urraði hún á hann, svo við komum henni fyrir á öðru heimili áður en hún myndi meiða ólaf vigni. Svo bauðst okkur annar hundur sem er barngóður, við fórum og skoðuðum hana og féllum fyrir henni svo við tókum hana. Þetta er semsé tík af kyninu Amerískur cocker spaniel og hún heitir Rúbý, hún verður ársgömul í janúar, hún er svört með hvíta bringu. Rúbý kemur meira að segja með ættbók frá HRFÍ En við jón ingi söknum Ylfu ekkert smá mikið og vonum bara að henni líði vel, en hún er hjá konu sem hefur átta chihuahua í mörg ár svo Ylfa hefur leikfélaga þar
En nóg um hunda og börn....við fórum vestur á síðustu helgi til að úrbeina og svoleiðis....fengum svo glænýtt kjöt með heim Svo í vikunni er ég ekki búin að gera neitt...bara að ganga um gólf og reyna að hugga ólaf vigni, hann er búin að vera svo lítill í sér og rgætur svo sárt stundum En það skrítna við þetta er að inná milli þess sem hann grætur þá er hann bara kátur og leikur sér og brunar um allt í göngugrindinni sinni. Honum finnst ekki gott þegar ég er að hreinsa horið úr nebbanum og gröftinn sem lekur úr augunum, þá er sko gargað. En honum finnst þetta ekki alslæmt því hann fær alveg að vera uppí og hann fær brjóstið eftir hentisemi allan sólarhringinn....það á eftir að verða erfitt að venja hann af þessu  þegar hann er orðin frískur, en ég bara get ekki neitað honum um að drekka því öll þurfum við mikið að drekka þegar við erum veik og svo notar hann reyndar brjóstið til að hugga sig og ég get ekki neitað honum um það heldur því hann þarf eitthvað til að hugga sig með og ekki vill hann snuð...ég meira að segja hef svoldið til að hugga mig við þegar ég er veik og það er videospóla og nammi En hann hefur það ekki svo hann fær bara brjóstið....svo eiga að vera alskonar mótefni fyrir börn í brjóstamjólkinni svo það er bara gott ef hann drekkur nóg. Í gærkvöldi þá var minn svo lítill að hann vildi ekki fara einn inní rúm að sofa, hann vildi sko hafa okkur hjá sér svo pabbi hans var svo góður að leyfa honum að koma fram og sofa eins og kuðungur á bringunni á pabba...það er svooo gott En við vissum ekkert að þetta væri eyrnabólga því ég fór með hann til læknis í fyrradag og þá var bara smá roði í eyrunum en það var örugglega bara eitthvað útaf kvefi sagði Þórður en svo í gærkvöldi var ólafur vignir orðin svo slæmur og alveg óhuggandi svo ég hringdi í þórð og hann hitti okkur uppá heilsugæslu og þá var komin bullandi eyrnabólga í annað eyrað Svo þegar við komum heim þá fékk hann bara meðalið sitt (sem honum fannst EKKI gott) og svo fékk hann stíl og við fórum bara öll að sofa og minn svaf til 20 mín yfir 7 og fékk sér að drekka þá og svo svaf hann til klukkan að verða 10 í morgun. Hann fór svo aftur að sofa áðan kl 11 og svaf til 12 og svo sofnaði hann kl hálf 2 og er að vakna núna, maður þarf svo mikinn svefn þegar maður er veikur.


Anna

Laugardagur

Þá er bara komin Laugardagur...ég veit ekki hvert tíminn ferÍ vikunni erum við búin að vera að taka svefninn í gegn hjá Ólafi Vigni...eða réttara sagt svæfinguna, en mamma var sú sem átti að svæfa hann, pabbi mátti það alls ekki og svo ákvað Jón Ingi að reyna eitt kvöldið og það tók hátt í klst þar til prinsinn gaf sig og svo smám saman tók það minni tíma og þriðja kvöldið tók það innan við korter En eins og alltaf þá gerist ekki neitt hjá mér nema á föstudögum því þá er sundið og eins og alltaf þá mættum við í sund og það var bara mkög gaman. frekar fá börn en samt bara gaman. Svo eftir sundið þá fórum við í mat til mömmu og pabba og síðan fórum við bara heim, Birkir kom með okkur úr Borgarnesi og hann var hjá okkur í nótt og verður aftur næstu nótt. Við horfðum bara að sjónvarpið í gærkvöldi og svo kíktu Birgitta og Helgi á okkur og svo fórum við Jón Ingi bara að sofa á meðan allir voru á balli, svoleiðis verður það líka í kvöld. En núna sit ég bara í tölvunni og er að hanga á netinu og Ólafur Vignir situr í fanginu á mér að éta bangsa en Jón Ingi og Birkir fóru í morgun á fótboltamót og við Ólafur Vignir ætlum svo að kíkja þangað á eftir.

Núna er prinsinn farin að nudda augun svo það er komin tími á vagninn.
kvitta!!!

Anna


Ein mynd af töffaranum þegar hann var 4 mánaða

Föstudagurinn þrettándi

Jæja þá er föstudagurinn þrettándi...þetta er nú samt bara búin að vera mjög góður dagur Í dag fórum við í borgarnes í sund og Ólafur Vignir er farin að fara í kaf á fullu og hann vælir ekki neitt, kemur smá skeifa stundum en það er allt í lagi. Hann getur líka alveg staðið í lófanum á mér í sundinu, hann er hættur að vera með brauðfætur eins og fyrstu tímunum og nú gat hann gert eins og hin börnin 
Það gerist ekkert í mínu fábrotna lífi frekar en venjulega...nema auðvitað allt sem Ólafur Vignir er að læra að gera....það er svo gaman að sjá hvað hann er fljótur að læra þessi elska....duglegur eins og mamma sín
Ég var að fatta um daginn að það er bara komið haust og næstum vetur sem er nú bara svindl því við eigum enn eftir að fá sumarið og ég er enn að bíða eftir því Jón Ingi segir að ég sér í haustafneitun en mér finnst bara að sumarið eigi að koma á milli vorsins og haustsins...þetta er nú meira svindlið og ég er að pæla að flytja bara úr landi og fara þar sem maður er ekki svikinn um sumarið. En já við fórum suður á þriðjudaginn og ætluðum að fara á kjalarnesið að skoða litlu stelpuna sem Sigrún systir hans Jóns Inga var að eignast og svo fór Jón Ingi uppá skaga að láta taka fæðingarblett og var hann saumaður allnokkur spor eftir þetta og skurðurinn er um 5 cm En já á leið okkar suður þá fórum við yfir Bröttubrekku og viti menn það var komin snjór þar og svo um kvöldið var komin snjór í Búðardal og er þetta bara rugl En já snúum okkur aftur að þessari ferð suður....við fórum semsé að kíkja á litlu dömuna og mér var sko brugðið því á þessari stundu sem ég sá dömuna áttaði ég mig á því að ég á ekki lítið barn lengur...litla barnið mitt er núna bara ekkert lítið En það sem verra var að ég áttaði mig á því að ég hef bara aldrei átt neitt smábarn heldur mætti halda að Ólafur Vignir hafi fæðst mánaðar gamall. En já ég fékk nú að máta litlu dömuna og ég get svo svarið það að ég fann ekki fyrir því að halda á henni...hún var soddan písl við hliðiná tröllinu mínu. En já efit þessa heimsókn á kjalarnesinu var farið á skagann og þar biðum við Ólafur Vignir á meðan Jón Ingi var hjá lækninum en þetta tók nú ekki nema um hálftíma. Eftir það þá keyrði ég heim en við komum við í bónus á leiðinni. Svo þegar heim var komið tók við smá afslöppun og svo var bara gert mest lítið eins og alla hina dagana og hef ég ekki gert neitt mikið síðan þá.....Jæja þá er komið nóg í dag og ég vil biðja þá sem lesa um hvað ég geri lítið í þessu fábrotna lífi að kvitta hér fyrir neðan, takk fyrir.

Anna Rósa.

Maður nennir þessu nú ekki þegar fólk kvittar ekki

Þið sem lesið þetta það væri gaman ef þið sæið ykkur það fært að kvitta þegar þið kíkið hér inn!!!
Það er nú bara allt gott að frétta hjá mér, á sunnudaginn þá fórum við öll vestur í réttir og hann Ólafur Vignir fór í sínar fyrstu réttir og auðvitað var mamma með myndavélina á lofti Við fórum svo bara hingað heim um kvöldið og það var bara notarlegt hér hjá okkur, Ólafur Vignir er svo góður að við Jón Ingi þurfum ekkert að hafa mikið fyrir honum og ef hann er eitthvað að væla þá er nóg að tala við hann og leika við hann, svo lengi sem hann er ekki svangur og er ekki komin tími á að skipta um bleiu. En ég hef svo gaman að því að leika við hann svo það er ekkert að pirra mig enda á setur maður ekki börnin sín útí horn og ætlast til að þau hafi ofanaf fyrir sér sjálf á meðan maður horfir á sjónvarpið eða er í tölvunni...ég viðurkenni það að það koma tímar sem maður vildi óska þess að maður gæti lagt hann á leikteppið og hann væri bara sáttur en það er nú frekar sjaldan og þá bara oftast þegar hann er búinn það vera extra órólegur og þá er maður alveg búinn á því en annars er þetta bara alltaf gaman. En eins og alltaf þá tala ég ekki um annað en þennan dreng en það er jú bara vegna þess að hann er svo frábær og ég á ekkert líf fyrir utan að hugsa um hann 
Í gær þá fór Jón Ingi aðeins í vinnunna og svo fórum við út að labba þegar hann kom heim og það var bara nice að komast aðeins út en svo var hann líka að vinna í dag og verður að vinna á morgun en ekki á fimmtud. og föstud. En svo fer hann á skotvopnanámskeið á fimmtud.-föstud. og laugardagskvöldið og ég er ekki enn búin að ákveða hvað við Ólafur Vignir gerum á meðan en það verður eitthvað skemmtilegt.

Og kvitta svo
Anna


Svo ein mynd af litlum réttarkalli

komin helgi

Jæja þá er bara komin föstudagur og það eru leitir um helgina...Jón Ingi er að fara í fyrramálið í leitir en við Ólafur Vignir ætlum bara að hafa það náðugt tvö en heima á meðan...með Ylfu auðvitað. En ég er búin að vera meira og minna veik frá því á þriðjudaginn en er svona búin að vera að reyna að harka þetta af  mér og svo er Jón Ingi líka búinn að vera veikur í dag og í gær
Í gær fórum við veika fólkið í bæinn því tölvuskjárinn gafst upp og ekki er hægt að vera tölvulaus svo við fórum að kaupa skjá og erum núna með þennann flotta 19" flatskjá Það var nú ekki gert neitt mikið meira í bænum og svo var bara brunað heim á leið og svo í dag var farið í Borgarnes í ungbarnasund og var það alveg rosalega gaman og mæli ég alveg með því að fara í sund með þessar elskur. Svo fengum við okkur að eta hjá mömmu og pabba og svo var bara farið heim og er ég búin að vera í tölvunni síðan...alveg orðin sjúk bara. En það er nú ekki mikið að frétta hjá okkur familyunni í Búðardal...það er bara alltaf það sama, sofa eta og skipta um bleiur
Veit ekki hvað ég á að segja meira...maður áttar sig bara ekkert á því hvað það gerist lítið spennandi í lífinu manns fyrr en maður sest niður og ætlar að fara að skrifa það...það er reyndar full sem mér finnst spennandi sem gerist hjá mér en væntanlega finnst það ekki öllum...eins og eitthvað hvað Ólafur vignir er að bralla og svoleiðis...
En ég læt þetta gott í dag og endilega að kvitta

Mánudagur

Jæja Jón Ingi er byrjaður í orlofi og var hann heima með okkur á fimmtudaginn og við höfðum það rosalega gott og tókum því bara rólega enda vorum við búin að vera saman í 3 ár þá. Síðan á föstudaginn þá var tekið allt til og þrifið hátt og lágt og svo var brunað í Borgarnes í fyrsta ungbarnasundstímann með Ólaf Vigni...ég fór útí með hann og Jón Ingi var að taka myndir á meðan...þetta var alveg rosalega gaman og hlakka ég ótrúlega mikið til að fara á föstudaginn næsta en þá langar mig að plata Jón Inga ofaní með mér og fá þá mömmu til að koma að taka myndir af prinsinum mínum
Á laugardaginn fórum við suður og þar var verslað smá á Ólaf Vigni og svo var farið í afmæli hjá stelpunum hennar Sigurbjargar (systur hans Jóns Inga) Þar var fullt af fólki og auðvitað fékk Ólafur Vignir líka gjafir en hann fékk tvæt prjónapeysur og prjónahúfu sem Maddý og Þorgeir gáfu honum og svo gaf Sigurbjörg honum appelsínugula rennda peysu (töffarapeysu) og svo gáfu Brynja og Nonni honum 66°N peysu og buxur.
Í gær þá fórum við Jón Ingi út að labba með Ólaf Vigni og Ylfu (tíkina) og það gekk bara nokkuð vel hún er alveg að læra þetta....tekur smá tíma bara
En í dag er Jón Ingi eitthvað að vinna svo ég er bara hér að dunda mér á meðan Ólafur Vignir sefur
læt þetta vera nóg í dag og bara muna að kvitta...finnst ekki nógu margir kvitta hér.
Anna


ein mynd úr sundinu

Miðvikudagur

Þá er bara komin miðvikudagur og Jón Ingi átti að byrja í orlofi í dag en hann fór samt að vinna  Um helgina fórum við vestur útaf því að Jón Ingi var að fara í leitir, við ætluðum bara að vera eina nótt en Jón Ingi var svo þreyttur þegar hann kom heim um kvöldið að við ákváðum að vera aðra nótt, svo ég kíkti ekkert í gillastaðarétt með Birki eins og ég ætlaði en Birkir svaf líka svo lengi að hann fór ekki heldur, hann fékk líka að vera í friði hérna heima hjá okkur um helgina. Svo á sunnudaginn þá fór Jón Ingi í réttir og ég var bara heima því það var svo vont veður að það var ekki hægt að fara með Ólaf Vigni í réttir og ekki kemst ég langt frá honum. En ég var bara heima hjá tengdó alla helgina á meðan allir hinir voru að reka rollur...
Ólafur Vignir er svo góður að hann er farin að sofa í sínu rúmi og hann sofnar svona um 10 á kvöldin vaknar svo þegar við förum að sofa og fær að drekka en svo segur hann til hálf 6 og fær að drekka og sofnar strax aftur og sefur til 10, alger engill bara....en ég er ekki viss um hvort hann verði alger engill á eftir en þá er ég að fara með hann í 3 mánaða skoðun og hann á að fá sprautu og ég held að ég hafi sjaldan verið svona stressuð
Á morgun eru svo komin þrjú ár síðan við Jón Ingi byrjuðum saman...úff hvað tíminn er fljótur að líða. En ég hef ekki meira að segja í dag en allir að kvitta takk.

Anna